Posted in My words, Random thoughts

ಹಕ್ಕಿಯಂತೆ ಹಾರಾಡುವ ಆಸೆ

image

What if I Fall? Oh, but my darling what if you fly? – Erin Hanson

ನಮ್ಮಲ್ಲಿ ಎಷ್ಟೋ ಜನ ನಮ್ಮ ಆರಾಮವಾಗಿರುವ ಸ್ಥಿತಿಯಿಂದ ಹೊರಗೆ ನೆಗೆಯೂದಕ್ಕೆ ಹೆದರಿ ಕುತ್ಕೊಂಡಿದಿವಿ. ಜಿಗಿತ ಹೊಸ ಕೆಲಸಕ್ಕಾದ್ರೂ ಇರಬಹುದು, ಹೊಸ ಅನುರಾಗಕ್ಕಾದ್ರೂ ಇರಬಹುದು ಅಥವಾ ಪರಿಣಾಮವನ್ನ ತಿಳಿಯದೆ ಉತ್ಸಾಹವನ್ನ ಬೆನ್ನಟ್ಟಿ ಹೋಗೊದಾದ್ರು ಇರಬಹುದು. ಈ ಅಂಜಿಕೆ ಕೆಲವೊಂದು ಸಾರಿ ನಮ್ಮನ್ನ ಹಾರೋದಕ್ಕೆ ಹೆದರುತ್ತಿರೋ ಪಂಜರದ ಹಕ್ಕಿಗಳ ಹಾಗೆ ಮಾಡಿಬಿಡುತ್ತೆ. ‘ಈ ಪಂಜರ ನಮ್ಮನ್ನ ನಿರಾಶೆ, ನೋವು ಮತ್ತು ಸೋಲಿನ ಸಾಧ್ಯತೆಗಳಿಂದ ರಕ್ಷಿಸುತ್ತೆ’ ಎಂಬ ಸಮಾಧಾನವನ್ನ ನಮಗೆ ನಾವೇ ಹೇಳಿಕೊಳ್ತಿವಿ. ಆ ಕಾರಣದಿಂದಾಗಿ ಹಗಲುಗನಸು ಕಾಣುತ್ತಾ ಪಂಜರದಲ್ಲಿಯೆ ಉಳಿಯುತ್ತೆವೆ.

ರೆಕ್ಕೆಗಳನ್ನು ಬಡಿದು ಪಂಜರದ ಹೊರಗೆ ಹಾರಿಹೋಗಬೇಕು ಎಂದು ನಿರ್ಧರಿಸಿದ್ರೆ ಏನಾಗಬಹುದು?

ನಮ್ಮಲ್ಲಿ ಕೆಲವರು ಹಾರಿ ನಿರ್ದಿಷ್ಟ ಸ್ಥಳಕ್ಕೆ ಭದ್ರವಾಗಿ ತಲುಪ್ತಿವಿ. ಕೆಲವರು ಅರ್ಧದಲ್ಲೇ ಬೀಳ್ತಿವಿ. ಆದ್ರೆ ನಾವೆಲ್ಲರೂ ಧೈರ್ಯಶಾಲಿಯಾಗಬೇಕೆಂದೇ ತೀರ್ಮಾನಿಸಿ  ಭಯಾನಕ ಹಾರಟಕ್ಕೆ ಕೈ ಹಾಕಿ ಅದನ್ನ ಅನುಭವಿಸಿರ್ತಿವಿ. ಮುಖ್ಯವಾಗಿ ನಮ್ಮೆಲ್ಲರಿಗೂ ಸೆರೆಯಿಂದ ಹೊರಬಂದ ಪಯಣದ ಕಥೆಗಳಿರುತ್ತವೆ. ಆ ಕಥೆಗಳನ್ನ ಮುಂದೆ ಏನು ಮಾಡುತ್ತೆವೆನ್ನೋದು ಅವರವರಿಗೆ ಬಿಟ್ಟ ವಿಷಯ.

ಹಾರುವಾಗ ಅರ್ಧದಲ್ಲೇ ಬಿದ್ದಾಗ, ಮನಗೆಡದೆ ಅಪಯವಿದ್ದರೂ ಸಹ ಧೈರ್ಯದಿಂದ ಇಷ್ಟಾದರೂ ಹಾರಿದೆವೆಂಬುದನ್ನು ಮನವರಿಕೆ ಮಾಡಿಕೊಳ್ಳುವುದು ಉತ್ತಮ. ಪಂಜರದ ಹಕ್ಕಿಗಳು ಕೇವಲ ಹಗಲುಗನಸು ಕಾಣುತ್ತವೆ ಎನ್ನುವುದು ನೆನಪಿರಲಿ.

Advertisements
Posted in Random thoughts

ಮುಂಜಾನೆಯ ಘಮ ಘಮ

image

ಬೆಳಿಗ್ಗೆ ಆಗಿತ್ತು, ಮೊದಲ್ನೇ blog postಅಲ್ಲಿ ಏನ್ ಬರಿಯೊದಪ್ಪ ಅಂತ ಯೋಚಿಸ್ತಿದ್ದೆ. ಹೊರಗಡೆ ಮಳೆಗೆ ಮಣ್ಣಿನ ಘಮ ಘಮ ವಾಸನೆ ಹರಡಿತ್ತು, ಅಮ್ಮ coffee ತಂದುಕೊಟ್ರು. ಆಹಾ ಏನ್ ಪರಿಮಳ ಅದು, ಒಂದೇ cup coffee ಸಾಕಾಗಲ್ಲ ಬಿಡಿ. ಕಿಡಕಿಯಲ್ಲಿ ಮಳೆ ನೋಡ್ತಾ coffee ಕುಡಿತಿದ್ರೆ ನೂರಾರು ಭಾವಗಳು ಮನಸಿನಲ್ಲಿ ಹರಿದಾಡಿ ಹೋಗುತ್ತಿರುತ್ತೆ. ಇನ್ನು ಮಳೆಗಾಲ ಶುರುವಾಯಿತು. ಶಾಲೆಗಳೂ ಪ್ರಾರಂಭವಾದ್ವು.ನನ್ನ ಬಾಲ್ಯ ಮೆಲುಕು ಹಾಕ್ತಿರುವಗಾ ಆಪ್ಪಾಜಿ walking ಹೋದವ್ರು ಬರೋದ್ರೋಳಗೆ newspaper ಓದಿ ಮುಗಿಸೋದು ನೆನಪಾಯಿತು.